Përhapja më vdekjeprurëse e koronavirusit në Hong Kong, veç këtë vit i ka kushtuar me rreth 6,000 jetë të humbura, dhe këtij shteti, tash janë duke i mbaruar arkivolet.
Siç raporton AP, autoritetet janë përpjekur të porosisin më shumë arkivole edhe nga vendet tjera. Vetëm javën e kaluar ka siguruar 1200 arkivole, derisa pritet ditëve në vijim të sigurojë akoma më shumë. Por këto janë të pamjaftueshme në një vend me mbi 7.482 milionë banorë.
Disa kompani, kanë filluar të ofrojnë alternativa në mungesë të arkivoleve. Ato janë arkivole kartoni, që edhe thuhet se janë të përshtatshme për mjedisin.
LifeArt Asia, përgatit arkivole prej kartoni të realizuara nga fibra druri të ricikluara, që mund të personalizohen edhe me dizajne nga jashtë. Në fabrikën në Aberdeen, një lagje jugore në Hong Kong, mund të prodhohen deri 50 arkivole të tilla në ditë.
Kreu i kësaj kompanie, Wilson Tong, tha se megjithatë, “njerëzit mendojnë se është e turprshme të përdoren arkivolet prej kartonit. Disa mendojnë se është mosrespekt t’i fusësh më të dashurit në arkivole të tilla”.
Por vlen të theksohet se në Hong Kong, arkivolet digjen pasi të varrosen njerëzit që kanë vdekur.
Kjo kompani, në anën tjetër, thotë se arkivolet prej kartoni, kur digjen gjatë varrimit, lëshojnë 87 për qind më pas gaz në krahasim me ato të realizuara nga druri.
Çdo arkivol kartoni peshon rreth 10.05 kilogramë, dhe mund ta mbajë një trup që peshon deri 200 kilogramë.
Hong Kongu ka raportuar rreth 200 vdekje mesatarisht në ditë gjatë javës së kaluar./Reporteri.net