Haradinaj në Malishevë, nderoi veprën e të rënëve për liri: Lavdia e tyre është udhërrëfyes për gjeneratat që vijnë

Deputeti i AAK-së Daut Haradinaj, ka njoftuar se kanë nderuar veprën e Hamdi Berishës, Habib Berishës, Agim Qelajt, Afrim Krasniqit, Sadik Shalës, Ramadan Morinës dhe Liman Gegajt, të cilët ranë heroikisht, shkruan GazetaDemos.

Haradinaj ka publikuar disa pamje nga nderimet në Malishevë, ku tha se lavdia e atyre që ranë është udhërrëfyes për gjeneratat që vijnë.

Postimi i plotë:

Sot, në Malishevë, bashkë me familjarë, bashkëluftëtarë e miq, nderuam kujtimin dhe veprën e Prof. Hamdi Berishës, Habib Berishës, Agim Qelajt, Afrim Krasniqit, Sadik Shalës, Ramadan Morinës dhe Liman Gegajt, trimave që para 27 vjetësh ranë heroikisht në altarin e lirisë.

Ata nuk kursyen asgjë, dhanë më të shtrenjtën, jetën, që ne sot ta gëzojmë Kosovën e lirë.

Lavdia e tyre është udhërrëfyes për gjeneratat që vijnë.

Lavdi!