Glauk Konjufca shpreh ngushëllime për vdekjen e babait të Thaçit: Ai do të jetë i pranishëm në kujtimet që ka lënë pas

Kryetari i Kuvendit të Kosovës, Glauk Konjufca ka shprehur ngushëllime për vdekjen e babait të ish-presidentit Thaçi. 

”Edhe pse Haxhi Thaçi nuk është më në këtë jetë, ai do të jetë i pranishëm në kujtimet që ka lënë pas, në zemrat e atyre që e patën pranë dhe ndanë jetën me të, shkroi ai.

I plotë: 

Me pikëllim mora lajmin se u nda nga jeta Haxhi Thaçi, babai i ish-presidentit Hashim Thaçi.

Ngushëllimet më të sinqerta për familjen, të cilët humbën të dashurin e tyre! Qëndrojmë pranë tyre në këto momente dhimbjeje!

Edhe pse Haxhi Thaçi nuk është më në këtë jetë, ai do të jetë i pranishëm në kujtimet që ka lënë pas, në zemrat e atyre që e patën pranë dhe ndanë jetën me të.

U prehtë në paqe!

Glauk konjufca