Gjuajtje me armë zjarri në Prishtinë, dy të dyshuarit për ngjarjen ende në arrati

Një përleshje me armë zjarri ka ndodhur në orët e para të mëngjesit  të 7 marsit në Prishtinë, ku një person ka shtënë në drejtim të dy vëllezërve para shtëpisë së tyre.

Sipas Policisë së Kosovës, rasti është raportuar rreth orës 03:30 nga njëri prej vëllezërve, i cili ka njoftuar se një person i dyshuar ka shtënë me armë zjarri dhe më pas është larguar me veturë nga vendi i ngjarjes.

Pamjet e siguruara nga kamerat e sigurisë kanë zbuluar se ka pasur shkëmbim zjarri mes të dy palëve, ndërsa në vendin e ngjarjes është sekuestruar një predhë. Deri më tani, motivi i ngjarjes mbetet i panjohur, ndërsa dy të dyshuarit ndodhen në arrati.

Policia ka nisur hetimet për zbardhjen e plotë të rastit.