Në varrezat afër Tjegullorës në Podujevë janë gjetur mbetjet mortore të një personi nga lista e të zhdukurve me dhunë gjatë luftës së fundit, shkruan GazetaDemos.
Lajmin e ka bërë të ditur ministrja e Drejtësisë Albulena Haxhiu, nëpërmjet rrjetit social Facebook./GazetaDemos/
Postimi i Albulena Haxhiut:
Sot, në varrezat afër Tjegullores në Podujevë, ekipet mjeko ligjore nga IML, me mbështetje nga EULEX, në bashkëpunim me Policinë e Kosovës dhe KQPZH, kanë arritur të lokalizojnë mbetjet mortore të një individi që dyshohet të jetë nga lista e personave të zhdukur me dhunë nga lufta e fundit. Gërmimet janë duke vazhduar ende në kërkim edhe të individëve të tjerë.