Gashi: Serbia po kërkon ndryshimin e kufijve të Mitrovicës Veriore, kjo është e papranueshme

Deputeti i Lidhjes Demokratike të Kosovës, Arben Gashi ka reaguar në lidhje me takimin dhe kërkesat e Serbisë gjatë takimit në Bruksel, shkruan GazetaDemos.

Gashi thotë se nga takimi u kuptua se Serbia po kërkon ndryshimin e kufijve të Mitrovicës Veriore.

Ai thotë se kjo kërkesë është e papranuesh,e pasi kufijtë e komunave janë tashmë të vendosur dhe ndryshimi i tyre paarqet rrezik për sigurinë dhe stabilitetin.

Postimi i plotë:

“Nga takimi i zëvendëskryeministrit Besnik Bislimi me përfaqësuesin e Serbisë në Bruksel, u kuptua se Serbia, ndër të tjera, po kërkon ndryshimin e kufijve të Mitrovicës Veriore. Kjo kërkesë është e papranueshme, pasi kufijtë e komunave janë tashmë të vendosur dhe ndryshimi i tyre paraqet rrezik për sigurinë dhe stabilitetin. Për më tepër, çdo ndryshim i kufijve komunal do të shkelte propozimin gjithpërfshirës të Pakos Ahtisaari”, tha ai.