Gacaferi: Vazhdojmë me kryetarin Ruzhdi Shehu

Kryesuesi i Asamblesë Komunale në Junik, Shpejtim Gacaferi, ka shpërndarë një mesazh publik ku ka bërë të ditur se garon në zgjedhjet e ardhshme me numrin 2 në listën e Lidhjes Demokratike të Kosovës.

Në statusin e tij, Gacaferi ka shkruar:

“Lista Fitues e LDK-së në Junik, nën udhëheqjen e z. Ruzhdi Shehut, përfaqëson një ekip të përkushtuar qytetarësh të cilët vijnë nga fusha të ndryshme të jetës shoqërore, ekonomike dhe kulturore të komunës. Me vizionin e qartë për një Junik më të zhvilluar, më të drejtë dhe më transparent, kjo listë synon t’i japë një frymë të re qeverisjes lokale.”

Ai më tej ka theksuar se objektivat kryesore të listës së LDK-së përfshijnë zhvillimin ekonomik lokal, mbështetjen e bujqësisë dhe bizneseve të vogla, investimet në infrastrukturë, kujdesin për rininë e sportin, përkrahjen e arsimit e kulturës, si dhe garantimin e transparencës dhe llogaridhënies në qeverisje.

Në fund, Gacaferi ka ripërsëritur mbështetjen e tij për kryetarin Ruzhdi Shehu, duke e cilësuar atë si udhëheqësin që mund të sjellë rezultate konkrete dhe t’i japë vazhdimësi traditës së përgjegjësisë dhe besimit që LDK ka ndërtuar ndër vite.

Statusi i tij i plotë:

Lista Fitues e LDK-së në Junik, nën udhëheqjen e z. Ruzhdi Shehut

Lista e Lidhjes Demokratike të Kosovës në Junik, e cila udhëhiqet nga Ruzhdi Shehu, përfaqëson një ekip të përkushtuar qytetarësh të cilët vijnë nga fusha të ndryshme të jetës shoqërore, ekonomike dhe kulturore të komunës. Me vizionin e qartë për një Junik më të zhvilluar, më të drejtë dhe më transparent, kjo listë synon t’i japë një frymë të re qeverisjes lokale.

Pjesëtarët e kësaj liste janë të njohur për angazhimin e tyre në komunitet, profesionalizmin dhe gatishmërinë për t’i shërbyer qytetarëve. Qëllimi kryesor është vazhdimi i një administrate komunale që vendos interesin e qytetarëve mbi gjithçka, përmes:

Zhvillimit ekonomik lokal dhe mbështetjes së bizneseve të vogla e sektorit të bujqësisë.

Investimeve në infrastrukturë dhe modernizimit të hapësirave publike.

Përkujdesjes për rininë dhe sportin, duke ofruar më shumë mundësi për të rinjtë.

Mbështetjes së arsimit dhe kulturës, si shtylla themelore e identitetit qytetar.

Transparencës dhe llogaridhënies, si garanci për një qeverisje të ndershme.

Nën drejtimin e Ruzhdi Shehut, LDK në Junik hyn në garën zgjedhore me bindjen se është alternativa më e besueshme për të sjellë rezultate konkrete për qytetarët, duke vazhduar traditën e përgjegjësisë dhe besimit që kjo parti ka ndërtuar ndër vite.

Vazhdojmë me kryetarin z. RUZHDI SHEHU