Sulmet dhe shpërthimet me raketa janë raportuar pranë qyteteve të mëdha në Ukrainë, ndërsa forcat ruse nisin një sulm të madh ushtarak.
Ka shumë raporte për momentin se ku po ndodhin sulmet. Mediat e huaja kanë publikuar foto të pasojave të shkatërrimeve nga bombardimet e ditës së sotme.
BBC ka sjellë edhe dëshminë e një vajze nga Kievi. “U zgjuam në orën 5 të mëngjesit sepse dëgjuam disa shpërthime. Kështu nisi dita jonë. Shumë njerëz po përpiqen të largohen tani, kështu që ne kemi një bllokim gjigant trafiku.”, thotë Tetiana Kashtanova. Tetiana thotë se nuk e di se çfarë do të ndodhë dhe ndihet e rrezikuar të largohet, por “nëse ka një mundësi që ne të largohemi në Perëndim, ne do ta ndërmarrim atë”.