Albanian
Croatian
English
French
German
Serbian
Turkish
Udhëtimi nga Shëngjini për në Kosovë nuk shkoi mirë për disa kosovarë. Në autobusin me të cilin po ktheheshin nga pushimet, nuk punonte klima.
Në temperatura të larta, fëmijë e të rritur po vuanin nga i nxehti i madh brenda autobusit të një kompanie kosovare (emër i njohur për redaksinë).
Një udhëtar në kushte anonimiteti ka rrëfyer për Indeksonline vuajtjen që kishin përjetuar përgjatë atij udhëtimi.
I njëjti ka dërguar pamje ku shihet se si udhëtarët flladiteshin me kartona, e disa të tjerë lageshin me ujë
Madje në pamje shihen edhe fëmijët që janë zhveshur si pasojë e të nxehtit.
“Gjatë udhëtimit nga Shëngjini në Kosovë autobusi ishte pa klimë, brenda autobusit ishte shumë vapë e madhe, ishte 46C. Udhëtarët nuk mund të duronin nga vapa, kishin kerkesa që ti hapshin dyert e autobusit ose të ndalet ne një vend që të pushojnë pak por nuk i merrshin parasysh fjalët tona, vetëm na mashtronin duke thënë se vetëm sa është ndezur autobusi.
Vertetë ka qenë një vapë shumë e madhe ku disa fëmijë ishin të zhveshur e disa prej tyre fillonin të qanin. Prindërit e tyre u kujdesshin për ta duke i flladitur me maicat e tyre, ku disa gra u degjoshin duke biseduar me njera tjetren këtë mundim dhe krejt djersitje nuk e kam pasur as gjatë lindjes. Ka pasur edhe ngacafytje me fjale mes udhëtarëve dhe nje personi kryesor i ati autobusit. Nje grua filloi të ankohet te ai person dhe i thoshte që do e lajmërojë policin dhe ai filloi ti bertiste duke i thon qe kujna don me ja lajmëru ti policin, pse me lajmëru ti policin, ne atë momet kemi qenë si nje lloj kercënimi. Tek shoferët ishin dy flladitse ku ata nuk kishin fare vapë, shoferët i kanë ulur disa familjarë te tyre tek shkallet e shoferit edhe duke pasur vende te lira mbrapa dhe ai gjithmon ishte duke biseduar me ata ku mund ta kishte bërë nje fatalitet”, u shpreh udhëtari.