Fëmijët vizitojnë policinë në Prizren

Me qëllim që policia të jetë sa më afër qytetarëve dhe gjithmonë në shërbim të tyre, më datë 07 maj 2026, në Stacionin Policor Prizren u prit një grup prej 60 fmijësh parashkollorë të SHFMU “Lek Dukagjini”, të shoqëruar nga edukatoret e tyre, njofton Policia e Kosovës.

Gjatë vizitës, fëmijët patën mundësinë të njihen nga afër me ambientet e stacionit, si dhe me punën e policëve në njësi të ndryshme. Ata shprehën interesim të veçantë, duke bërë pyetje të ndryshme rreth detyrave dhe përgjegjësive të policisë.

Ky aktivitet u realizua me qëllim të krijimit të një përvoje edukative dhe sociale për fëmijët, si dhe për të forcuar lidhjen e policisë me komunitetin.

Policia është gjithmonë në shërbim të qytetarëve, në shërbim të ruajtjes së rendit dhe qetësisë. Policia është popull dhe populli është polici.

Andaj, edukimi i brezit të ri në frymën e bashkëpunimit me policinë është një ndër objektivat kryesorë në kuadër të “Strategjisë së Policimit në Bashkësi të udhëhequr nga inteligjenca”