Klubi gjilanas FC Drita ka njoftuar se biletat për ndeshjen e kthimit, FC Drita – Royal Antwerp FC do të dalin në shitje nga dita e martë në formë fizike në dy pika të shitjes.
Pikat e shitjet do të jenë para teatrit të qytetit dhe te stadiumi i qytetit, te sheshi.
Sipas klubit nga Gjilani, shitja fillon prej orës 12:00 deri në ora 20:00.
Gjithashtu, ditën e ndeshjes biletat do të dalin në shitje afër stadiumit “Fadil Vokrri” në dy pika të shitjes.
Tutje u tha se tribuna në jug është e mbyllur, ndërsa çmimet për biletat në dispozicion janë: veri 2 euro, lindje 3 euro, perëndim 7 euro dhe VIP 20 euro.
“Te gjitha biletat do te jene me barkod identifikues”, thuhet në njoftimin e Dritës.