Era e përhapë me shpejtësi një vatër zjarri në Shtime, lëndohen katër persona – digjet një shtëpi e një veturë

Sot rreth orës 14:00, zjarri ka kapluar lagjen “Pajtimi” në komunën e Shtimes, i cili për shkak të erës së fortë është përhapur me shpejtësi, raporton GazetaDemos.

Ky zjarr është ende aktiv ndërsa është fare pranë shtëpive të banimit.

Deri më tani nga flakët është përfshirë një shtëpi e vjetër dhe një veturë.

Në vendngjarje ndodhen ekipet e zjarrfikësve të Shtimes, të cilët po punojnë për shuarjen e zjarrit me ndihmën edhe të banorëve të lagjes.

Deri në këtë moment është raportuar për katër persona të lënduar.

Në zonën e rrezikuar ndodhet edhe një autoambulancë.

Lajmin e ka konfirmuar zëdhënësi i policisë për rajonin e Ferizajt, Kanun Veseli.