EKSKLUZIVE: Polici që mori pagë mujore 2200 euro, i reagon Kurtit e Sveçlës

Njëri nga Policët që ka marrë pagë 2200 euro, ka reaguar pasi kryeministri Albin Kurti dhe ministri i MPB-së Xhelala Sveçla, deklartuan publikisht se ka polic që janë paguar deri në 2200 euro, duke ua rikujtuar atyre kushtet në të cilat ai dhe kolegët e tij kanë punuar për 21 ditë rresht, shkruan GazetaDemos.

Polici që kishte shërbyer për 21 ditë rresht në Jarinjë ka thënë se atij dhe kolegëve të tij, u kanë munguar edhe kushtet më elementare. Ai ka treguar se gjatë 21 ditëve që kanë shërbyer në Jarinjë përveç rrezikut të drejtpërdrejtë për jetë, nuk kanë pasur as ku të pastrohen dhe as uniforma rezervë për ti ndërruar.

Polici u aka rikujtuar kryeministrit Kurti dhe ministrit Sveçla, se përderisa ata kishin zyret luksoze dhe ishin pranë fëmijëve dhe familjeve të tyre, ai rëndohej edhe nga mungesa e fëmijëve që nuk mund t’i takonte për shkak të rrethanave të atyre ditëve.

Ky polic i Kosovës ka thënë se familja e tij edhe pse me kredi aktuale, do të hynin prap kredi deri në fyt siç thotë ai, vetëm e vetëm që ai të ishte pranë familjes së tij.

Por në fund të letrës së tij polici ka shprehur gatishmërinë se edhe përkundër të gjithave është i gatshëm ai dhe kolegët e tij që për mbrojtje të atdheut jo vetëm 21 ditë, po tërë jetën të punojnë pa para, por që nuk lejojnë të luhet me dinjitetin e tyre./GazetaDemos/