E dhimbshme: Familjarët e mërgimtarit që u hodh nga ura e Liqenit të Ujmanit po presin në vendngjarje për gjetjen e trupit të tij

Forca e Sigurisë së Kosovës (FSK) mëngjesin e sotëm ka zbarkuar në veri të vendit, më saktësisht në Zubin Potok, duke iu bashkuar operacionit të kërkim-shpëtimit për zhdukjen e mërgimtarit 33-vjeçar nga Suedia, i cili pasi u hodh nga ura në Liqenin e Ujmanit, raporton GazetaDemos.

FSK në këtë operacion është duke u shoqëruar me ekipet e KFOR-it, ekipet e Policisë së Kosovës dhe me Agjencinë e Menaxhimit të Emergjencave.

Deri më tani, organet e rendit nuk kanë hasur në gjurmët e 33-vjeçarit, teksa po operojnë në kushte të rënduara atmosferike.

Në vendngjarje gjithashtu, siç merr vesh GazetaDemos nga terreni, janë parë edhe familjarët e mërgimtarit, të cilët po presin ndonjë sinjal.