Dy punëtorë lëndohen gjatë intervenimit në problemin që la pa ujë “Muharrem Fejzën”

GazetaDemos më herët raportoi se disa punëtorë të KRU-Prishtina janë lënduar sot gjatë skanimit të defektit në lagjen e spitalit tek Eulex.

E rasti u konfirmua edhe nga mjekja kujdestare e QKUK-së , Dafina Basholli e cila tha se dy punëtorë kanë pësuar lëndime të lehta.

” Po kanë qenë 2 punëtorë kanë pasur lëndime të lehta dhe janë liruar”, tha Basholli për Demos.

Më herët GazetaDemos ka kontaktuar me zëdhënsen e KRU-Prishtina, Arjeta Mjeku e cila nuk ishte në dijeni për lëndimin e punëtorëve.

“Nuk kam ndonjë informacion që është lënduar dikush, s’ka ardh ndonjë informacion i tillë nga ujësjellësi”, pati thënë Mjeku për Demos.