Komisioni për Mbikëqyrjen e Agjencisë së Kosovës për Inteligjencë sot do të mbajë mbledhje.
Në këtë mbledhje pritet të diskutohen disa pika të rendit të ditës. E në mesin e pikave të rendit të ditës është edhe raportimi i Drjetorit të AKI-së, Petrit Ajeti.
Mbledhja pritet të fillojë në orën 10:00.
Ndryshe, Komisioni për Mbikëqyrjen e AKI-së udhëhiqet nga deputetja e Partisë Demokratike të Kosovës, Ganimete Musliu, teksa anëtarë janë pesë deputetë nga Lëvizja Vetëvendosje, një nga PDK-ja, një nga Lidhja Demokratike e Kosovës, një nga Aleanca për Ardhmërinë e Kosovës dhe një nga Iniciativa e Re Demokratike e Kosovës