Ministri i Kulturës, Rinisë dhe Sportit, Hajrullah Çeku ka njoftuar se ka përfunduar shpronësimi i pronave për stadiumin “Adem Jashari” në Mitrovicë, i cili kishte filluar të ndërtohet pa u kryer ky proces që është i obligueshem me ligj.
Çeku tha se me me qëllim të plotësimit të kushteve dhe kritereve për zhvillimin e lojërave në përputhshmëri me standardet e UEFA-s dhe FIFA-s, nga kategoria 2, stadiumi do të ngritet në kategorinë 4.
Postimi i plotë i tij:
Një tjetër lajm shumë i rëndësishëm në të mirë të futbollit.
Është hapur rruga për renovimin dhe rikonstrukturimin e stadiumit “Adem Jashari” në Mitrovicë i cili kishte filluar të ndërtohet pa u bërë shpronësimi i pronave, një procedurë ligjore e obligueshme.
Tashmë është miratuar vendimi përfundimtar për shpronësimin e pronave. Nga kategoria 2, stadiumi do të ngritet në kategorinë 4, me qëllim të plotësimit të kushteve dhe kritereve për zhvillimin e lojërave në përputhshmëri me standardet e UEFA-s dhe FIFA-s.