Sot pas shqyrtimit të raportit të auditimit për pasqyrat finanaciare vjetore të OSHP-së, deputetja nga radhët e Aleancës për Ardhmërinë e Kosovës, Albana Bytyqi ka kritikuar Qeverinë për mosfunsionim të këtij organi, shkruan Gazeta Demos.
Bytyqi përmes një shkrimi në ‘Facebook’ thotë se për shkak të papërgjegjshmërisë së qeverisë shumë investime janë të tejzgjatura e disa edhe kanë dështuar.
Tutje, Bytyqi thotë se ky institucion po përballet edhe me mungesë të stafit professional dhe largim të punëtorëve për shkak të ligjit të pagave.
Reagimi i saj i plotë:
Sot u bë Shqyrtimi i Raportit të auditimit për pasqyrat financiare vjetore të Organit Shqyrtues të Prokurorimit (OSHP-së)
Ky organ përpos mosfunksionimit mbi njëvjeçar në mungesë të bordit, për shkak të papërgjegjshmërisë së qeverisë, ku shumë investime kapitale janë tejezgjatur ose kanë dështuar fare, dhe grumbullimin e mbi 800 ankesave gjatë kësaj periudhe. Tani po ballafaqohet edhe me mungesë të stafit profesional, e që arsyeja kryesore e largimit të stafit nga ky institucion është diskriminimi që iu ka bërë ligji i pagave, këto mungesa po e vështirësojnë funksionimin e këtij institucioni.