Profesori Meriman Braha në emisionin “n’Demos” ka rrëfyer disa nga faktet për një nga kampet më të tmerrshme të Jugosllavisë.
Nga torturat e gardianëve e udbashëve, brenda mureve të Goli Otokut kanë vdekur pesë të burgosur shqiptar.
“Pesë shqiptarë kanë vdekur në torturë mendohet, së paku ato që i kam parë unë. Më i riu është Martin Gjoka i Podgoricës, ai ka qenë 18 vjeç, i ka kalu tre muaj notime, brenda 6 muajve ka vdek, nuk e ka përshkrimin se si ka vdek, një tjetër i anës së Drenasit, në përshkrim i shkruan tentim ikje, ai ka qenë një njeri që s’ka ditë as not. Ka qenë Qemajl Hoxha, ky i Gjakovës është, familja e tij para 10 vjetësh është interesuar për të, unë s’kisha dëgju për të, por e gjeta në listë, e gjeta të vdekur për gjashtë muaj”, ka deklaruar ai.
Në bazë të hulumtimeve të Brahës, del që në Goli Otok kanë qenë rreth një mijë gra të burgosura.
“Ka qenë burgu i veçantë për femra, kanë qenë dikund 1 mijë femra, dikund 1 km apo 2 prej kampit të meshkujve. Ato i kanë vendosur në një zonë të tillë, ku kanë hjek shumë. Unë nuk e kam ditë që Hyrije Hana ka qenë në Goli Otok, në kujtimet e saja nuk e përmend Goli Otokun, por emri i saj ndodhet në listën e tyre, ajo nuk ka mund të përmend për arsye të vetkuptueshme, për arsye të torturave e të gjitha të tjerave. Në burgun e grave është një Markoviq, burrin ia kanë vra në Moskë. Kur ka dal prej burgut ajo, ka shku tek varri i nanës së vet edhe ka bo vetëvrajse, edhe gruaja e Rifat Berishës figuron edhe në grupin e grave të Pozhorecit, qëndrimi i saj në Goli Otok është gjashtë muaj, edhe i Hyrisë po ashtu. Është kap dikund në Deçan apo në Gjakovë dhe është dënu me dënim administrativ”, është shprehur ai.
Emisioni i plotë: