Bajrami i reagon Muratit: Ministri sigurisht ka mendu për çmimet, se çmimet janë rritë

Deputetja e LDK-së, Hykmete Bajrami i ka reaguar ministrit të Financave, Hekuran Muarti, i cili tha se pagat në sektorin publik janë rritur më 2023, 2024 dhe do të rritën më 2025.

Bajrami i është kundërpërgjigjur duke thënë se ministri ndoshta ka menduar se janë rritë çmimet.

“Ministri sigurisht ka mendu për çmimet, se çmimet janë rritë në 2021, janë rritë në 2022, janë rritë në 2023 dhe po rritën në 2024” – ka shkruar ndër të tjera ajo.

Më tej, ajo ka përmendur rritjen e pagave edhe të kryeministrit e ministrave.

“Mos harroni se qeveria Kurti i ka rritë pagat për Kryeministrin, zv.kryeministrat, ministrat, zv.ministrat, këshilltarët politik, asistentat dhe shoferët e tyre për 45%, dhe atë në fillim të mandatit.”

“Ndryshimi po vjen, me 9 shkurt, me LDK-në koeficeinti i pagave bëhet 150€, ose rritje e pagave në sektorin publik për 36%.” – përfundon shkrimi i saj.