Rezistenca e popullit shqiptar kundër regjimit serb ka ndodhur për vite me radhë deri në fundvitet ’90, shumë personalitetebe shqiptare nuk iu tremb syri, duke kundërshtuar me veprime të ndryshme policët serbë që operonin në Kosovë, shkruan GazetaDemos.
Një nga familjet që vazhduan këtë rezistencë është edhe ajo e Bajraktarëve të Llaushës, e njëri prej tyre ishte edhe Adem Geci, babai i shtatë fëmijëve nga Llausha e Skenderajt.
Njëri nga djemtë e tij në emisionin “n’Demos” ka rrëfyer kohën kur Adem Geci kishte plagosur një polic serb me mjete primitive.
“Baba ka pasur probleme me një udhëheqës në Pejë, të cilin sipas informative të bacit Li, baba e ka therrë atë me shtrafciger, sepse ai u ka bërë presion punëtorëve shqiptarë. Në momentin që ka dashur të arrestoj babain, ai e merr vëllain tim e shkon tek shtëpia e tij e i troket në derë, aty del gruaja e tij edhe i thotë: Unë jam Adem Geci, a është Jova këtu, i thotë jo, ia kthen që unë jam ardh me ja mësu djalit shtëpinë, se kurgjo tjetër nuk kam punë, edhe kthehet, qëllimi ka qenë që nëse më ndodh mua najsen, djali im ta di shtëpinë”, ka rrëfyer Gani Geci në “n’Demos”.
Një tjetër moment i rezistencës kundër regjimit serb, ishte kur Adem Geci me disa punëtorë të tjerë u kishin dal në mbrojtje studentave që ishin maltretuar nga njësia speciale e policisë serbe.
“Kur kanë ardh do vajza e kanë tregu që njësia speciale serbe i mytën studentat, baba i ka tubu punëtorët e i kanë marrë qekiqat, armatura, gurë e e kanë thy kordonin e Policisë. Të vetmin plak me plis e me shallë, që e kanë ngrit lartë studentat, ka qenë Adem Bajraktari”, ka pohuar Gani Geci.
Emisionin e plotë të rrëfimeve të Gani Gecit mund ta ndiqni këtu: