Arrestohen dy persona në Lipjan, sekuestrohet një armë dhe substanca narkotike

Policia ka pranuar një informatë se në një pompë derivatesh nga dy persona rë dyshuar po kryhet shit-blerje e substancave narkotike.

Ata pas kësaj kanë arrestuar dy persona si dhe kanë gjetur dhe sekuestruar një armë dhe një sasi të substancës narkotike.

“Ka qenë reagimi i shpejtë dhe profesional i zyrtarëve të stacionit të Lipjanit, ai që ka rezultuar me arrestimin e dy personave të dyshuar si dhe  gjetjen e sekuestrimin e një arme dhe  një sasie të substancës narkotike etj”.

“Ndaj personave të arrestuar është iniciuar hetim në drejtim të veprës penale posedim i paautorizuar i armës dhe blerje posedim   dhe shpërndarje e substancave narkotike, psikotrope ose analoge. Me aktvendim mbi ndalimin  të nxjerrë nga ana e prokurorit të shtetit, personat e dyshuar janë dërguar në qendrën e mbajtjes për 48 orë”, thuhet në njoftimin e policisë.