Ancelotti më në fund i jep përgjigje pyetjes rreth të ardhmes së tij te Real Madridi

Real Madridi kthehet në La Liga këtë fundjavë teksa pret Celta Vigon, por të gjitha bisedat kanë qenë për Carlo Ancelottin. Humbja në finalen e Kupës së Mbretit ndaj Barcelonës ka rritur presionin mbi italianin, largimi i të cilit në fund të sezonit tani është marrë si i mirëqenë.

Siç pritej, pyetjet mbi të ardhmen e tij u shfaqën shumë gjatë konferencës për shtyp të Ancelottit para ndeshjes, por sipas Diario AS, ai ishte i prirur të shmangte hyrjen në këtë çështje.

“Jam mirë. E kuptoj që do të flasësh për të ardhmen time, por unë nuk dua. Është e thjeshtë. Është mungesë komunikimi me ty. E di shumë mirë se çfarë duhet të bëj, çfarë do të bëj dhe çfarë bëj, që do të thotë të mos flas për të ardhmen time sot. E di që të zhgënjej sot, por nuk më intereson”, deklaroi Ancelotti.

Real Madridi gjobitet nga UEFA
“Ndjesia ime është të mendoj mirë për ndeshjen e nesërme dhe të përpiqemi ta fitojmë. Dhe pastaj, të përgatitemi mirë për ndeshjen tjetër, e cila do të jetë shumë e rëndësishme dhe na jep mundësinë të luftojmë edhe më shumë për këtë garë”.

Ancelotti gjithashtu hodhi poshtë sugjerimet se klubi po e trajton me mungesë respekti për shkak të numrit të rrjedhjeve/lajmeve rreth të ardhmes së tij – dhe zëvendësimeve të mundshme.

“Jo, jo, absolutisht jo. Kam një marrëdhënie shumë të mirë me klubin dhe me klubin flasim gjithmonë për gjithçka, kam një marrëdhënie fantastike. Informacioni është ai që është dhe shumë prej tyre nuk janë të vërteta”, shtoi italiani.

“Çfarë do të ndodhë… Nuk e di. Çfarëdo që të ndodhë, do të jetë një lamtumirë fantastike, sepse kam shumë dashuri për klubin. Nuk do të debatoj kurrë me klubin dhe nuk do të lejoj një sherr me klubin në ditën e fundit”.