Adem Lushaj
Kosova përfituese e pakos mbështetëse të Shteteve të Bashkuara të Amerikës, pako që i ndahet Ukrainës dhe partnerët e saj. Pakoja mbështetëse e prezantuar nga sekretari i shtetit Blinken, është mbështetje për partnerët amerikan, në mesin ë shteteve partnere është edhe Kosova.
Këtë mbështetje amerikane e ka konfirmuar edhe Ambasadori Astrit Zemaj, që është përfaqësues i Republikës së Kosovës për marrëdhënie me NATO, përmes postimit të tij në rrjetin social facebook.
Ambasadori Zemaj shprehet i gëzuar për përkrahjen amerikane që i epet edhe Kosovës, krahas shumë shteteve tjera partnere të ShBA-ve.
Në postimin e tij, Ambasadori Zemaj, ka thënë: “Në pakon e mbështetjes së SHBA-ve për aleatët dhe partnerët, edhe Republika e Kosovës është përfituese e pakos. Në një takim të jashtëzakonshëm të NATO-s, Sekretari Blinken informoi aleatët për mbështetjen e ardhshme amerikane me vlerë 2.2 miliardë dollarë në investime afatgjata nën financimin e jashtëm ushtarak për aleatët tanë, partnerët dhe Ukrainën”.
Zemaj, si përfaqësues i Republika e Kosovës, krahas 50 vende aleate, ka marrë pjesë në takimin e pestë të Grupit të Kontaktit të Mbrojtjes së Ukrainës, të mbajtur në Bazën Ajrore Ushtarake në Ramstein të Gjermanisë, takim i kryesuar nga Sekretari i Mbrojtjes i Shteteve të Bashkuara të Amerikës, z. Lloyd J. Austin III.