Për ditë të tëra vizituan disa nga qytetet e Shqipërisë me të vetmin qëllim që të shikojnë vendin ideal për të investuar në fushën e Industrisë së Rëndë dhe në atë të Energjetikës.
Në të nëntën ditë të vizitës, përfaqësues të Ndërmarrjes Biznesore Shqiptare në Gjermani kanë dhënë një intervistë për GazetënDemos, ku kanë shfaqur idetë e tyre për investim në trojet shqiptare.
Duke parë se në këto dy fusha, Kosova dhe Shqipëria çalojnë, kompania “Aldekos Invest” që udhëhiqet nga vëllezërit Simnica po premtojnë përkrahje e mbështeje për institucionet shqiptare, si në Shqipëri po ashtu edhe në Kosovë.
“Sipas analizave makroekonomike të të dy vendese, shihet çartë nevoja për një Industri të zhvilluar pasi që edhe potenciali është jashtëzakonisht i madh. Nëse përfundon koridori i tetë, atëherë në aspekti gjeostrategjik, Kosova dhe Shqipëria luajnë një rol mjaftë të madh. Andaj, ne jemi duke parë mundësitë që në një kohë më afatgjate, në 20 apo 30 vitet e ardhshme të synojmë këtë investim”, janë shprehur Vëllezërit Simnica.
Në këtë udhëtim që pritet të zgjasë 18 ditë, këta po i shoqërojnë edhe dy mysafirë nga Gjermania të cilët me ftesë të tyre do t’i vizitojnë disa nga qytetet e Shqipërisë dhe Kosovës.
Si dy biznesmen gjerman, këta tani më kanë ndryshuar mendimin e tyre që kishin më parë duke u bazuar nga mediat e nga filmat, e kësisoj po synojnë të veprojnë edhe me investitorë të tjerë.
“Ne jemi një ekip që kemi specializuar në fusha të ndryshme, dhe së bashku me disa musafirë gjerman që i kemi edhe këtu e që për herë të parë janë në Shqipëri, e që kanë pasur përshtypje të ndryshme për Shqipërinë dhe Kosovën, pasi janë bazuar në artikujt të mediave, tani ka ndryshuar mendimi i tyre, dhe kështu synojmë ne që t’i bindim edhe të tjerët që të investojnë në Kosovë e Shqipëri”, kanë shtuar Vëllezërit Simnica.
Për realizimin e këtyre projekteve këta po kërkojnë edhe mbështetje e përkrahje nga institucionet e këtyre dy vendeve, pasi që ndikimi në ekonomi do të jetë në favor të këtyre vendeve.
E nëse realizohen të gjitha projektet e planifikuara, investimi sipas tyre do të jetë milionësh, ndërsa punësimi do të arrijë deri në 500 persona në Shqipëri e deri në 300 persona në Kosovë.
“Në qoftë se i realizojmë të gjitha projektet që i kemi realizuar, impakti në ekonomi do të jetë shumë i madh. Pra, jemi duke folur për shifra milionëshe e që natyrisht që për realizimin e këtyre do na duhet edhë kohë, në mënyrë që të gjitha parametrat të jenë korrekt dhe të saktë. Edhe numri i puntorëve që do të punësohen do të jetë i lartë, ku në Shqipëri planifikojmë të punësojmë minimum 500 puntorë, e në Kosovë rreth 300, e që ky numër mund të rritet me kalimin e viteve”, kanë pohuar ata më tutje.
Ndërkohë, sa i përket fushës së Ernergjisë, duke parë edhe krizat të cilat po paralajmërohen në këtë fushë në botë e që mund të preken edhe Kosova e Shqipëria, këta shprehen të gatshëm që t’u ofrojnë këshilla e zgjidhje institucioneve të Kosovës në mënyrë që ta kalojnë e ta përballojnë sa më lehtë krizën eventuale.
Duke shpresuar që do të gjejnë mbështetjen e institucioneve në Shqipëri e Kosovë, si mërgimtar që janë, Vëllezërit Simnica shprehen se do të jetë detyrë morale për ta që t’i shërbejnë kombit prej nga vijnë.