Alban Veseli pas finales së parë në Minatori: Kurrë më i fyer nuk kam qenë, u sulmuam edhe nga huliganët

Basketbollisti i KB Pejës, Alban Veseli ka reaguar ashpër pas ndeshjes së parë finale të “Play-Off”-it kundër Trepçës e zhvilluar të mërkurën mbrëma në Mitrovicë.

Trepça triumfoi 94:86 ndaj Pejës në finalen e parë në sallën e sporteve “Minatori” në Mitrovicë, shkruan lajmi.net.

Veseli me anë të një postimi në llogarinë e tij në Facebook ka shkruar se nuk ka qenë asnjëherë më i fyer në karrierë sesa mbrëmë nga tifozët mitrovicas.

Ai ka shkruar se basketbollistët e Pejës janë sulmuar edhe nga huliganët prapa bankinës.

POSTIMI I PLOTË (pa ndërhyrje):

Reagim per ndeshjen Trepqa vs Peja

Zero kushte per loje, zero siguri!

Banka rezerve e sulmuar gjate gjithe ndeshjes nga huligane ne afersi 1 meter dhe te gjithe ishim te prekur nga pshtyrjet, sharjet, fyrjet e pandalshme, kjo nuk mjaftoj per sigurimin e ndeshjes dhe policine qe ne vend se ti krijonin kushtet per loje edhe ata na sulmuan!

Per referim nuk jam kompetent te flas mirepo nje loje aq agresive nga Trepqa me 1 faul per 9 minuta loje ne qerekun e fundit le shume per te deshiruar!

20 vite karrier ne basketboll kam kaluar cdo lloj sfide mirepo kurr sjam ndier me i fyer dhe e i poshteruar se mbreme.

Kerkoj nga Kosovo Basketball Federation qe te krijoj kushte minimale per nje ndeshje sportive.

Shihemi te dielen ne kryeqytetin e basketbollit ne fryme sportive.