Senatori amerikan kërkon votim për të bllokuar shitjen e armëve Izraelit: Mjaft është mjaft

Senatori amerikan Bernie Sanders tha të martën se do të nxisë një votim të menjëhershëm në Dhomën e Përfaqësuesve për të bllokuar shitjet e armëve në Izrael, duke përmendur numrin e lartë të vdekjeve të civilëve në Gaza dhe urinë atje.

“Taksapaguesit amerikanë kanë shpenzuar dhjetëra miliarda dollarë për të mbështetur qeverinë raciste dhe ekstremiste Netanyahu. Mjaft është mjaft”, tha Sanders në një deklaratë.

Senati pritet të votojë për dy rezoluta të mërkurën që do të bllokojnë një paketë armësh prej 675.7 milion dollarësh për Izraelin dhe do të ndalojnë shitjen e dhjetëra mijëra pushkëve automatike.

Sanders tha se SHBA  nuk mund të vazhdojnë të shpenzojë paratë e taksapaguesve për qeverinë Netanyahu, e cila ka vrarë më shumë se 60,000 palestinezë, përfshirë gra dhe fëmijë, që nga tetori i vitit 2023.

Ai shtoi se SHBA  nuk mund të vazhdojnë të mbështesin Izraelin, i cili ka “bllokuar ndihmën humanitare, ka shkaktuar uri masive dhe fjalë për fjalë ka lënë të uritur popullin e Gazës”.

“Është koha që Kongresi të përdorë ndikimin që kemi – dhjetëra miliarda në armë dhe ndihmë ushtarake – për të kërkuar që Izraeli t’i japë fund këtyre krimeve”, tha Sanders.