Reagon Franca, kërkon lirimin e Popoviqit dhe rifillimin e dialogut Kosovë–Serbi

Franca ka shprehur shpresën për lirimin “sa më të shpejtë” të Igor Popoviq, ndihmës drejtorit të të ashtuquajturës “Zyrë për Kosovën” në Qeverinë e Serbisë, duke theksuar se lëvizja e lirë është parakusht për vazhdimin e dialogut mes Kosovës dhe Serbisë.

“Franca përsërit mbështetjen e saj për ndërmjetësimin evropian, që synon normalizimin e raporteve mes Serbisë dhe Kosovës. Kjo kërkon që negociatorët dhe ekipet e tyre të jenë të mundur të lëvizin lirshëm dhe në siguri në të dyja vendet. Ne shpresojmë që zëvendës negociatori serb të lirohet sa më shpejt të jetë e mundur,”, thuhet në deklaratën e Francës.

Po ashtu, Franca ka apeluar që të dyja palët të përmbahen nga “veprimet njëanshme” që mund të dëmtojnë rifillimin e dialogut. Ajo ka përshëndetur gjithashtu përpjekjet e Përfaqësuesit të Posaçëm të Bashkimit Evropian, Peter Sorensen, në kuadër të këtij procesi.

Popoviçi u ndalua nga autoritetet kosovare pas një fjalimi nxitës që mbajti në fshatin Hoqë e Madhe të komunës së Rahovecit, ku ai e quajti Ushtrinë Çlirimtare të Kosovës (UÇK) si “organizatë terroriste”, duke e akuzuar për vrasjen dhe zhdukjen e serbëve dhe romëve gjatë konfliktit të armatosur të viteve 1998-1999 në Kosovë.