Dalin pamjet e rrëzimit të aeroplanit rus, vdesin të gjithë pasagjerët

Ministria e Situatave të Emergjencave të Rusisë konfirmoi se janë gjetur mbetjet e një aeroplani pasagjerësh që u zhduk nga radari pranë aeroportit Tynda në lindjen e largët të Rusisë . Sipas informacioneve paraprake, askush nuk ka mbijetuar.

Avioni i kompanisë Angara ishte në një fluturim në itinerarin Khabarovsk-Blagoveshchensk-Tynda dhe u zhduk nga radari disa kilometra larg Tyndës. Në kohën e zhdukjes, ai nuk krijoi kontakt me kontrollin e fluturimit. Mbetjet e aeroplanit u gjetën rreth 15 kilometra larg aeroportit.

Sipas guvernatorit të Rajonit Amur, Vasily Orlov, në aeroplan ndodheshin 49 persona – 43 pasagjerë, përfshirë pesë fëmijë, dhe gjashtë anëtarë të ekuipazhit.

Qendra Ruse për Mbrojtjen Civile thotë se kërkimi po zhvillohet në një zonë të vështirë për t’u arritur, me pjesëmarrjen e ekipeve të shpëtimit nga Ministria e Situatave të Emergjencave.

Një video e rrëzimit të aeroplanit rus u publikua në rrjetet sociale.

✈️🚨 Passenger plane crashes in Russia’s Amur region — over 40 people on board

A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP

— NEXTA (@nexta_tv) July 24, 2025