Mesazhi i fuqishëm i presidentit amerikan- Çollaku: Trump nuk i merr me të mirë Kosovën dhe Serbinë

Analisti Bekim Çollaku në “Rubikon në Klan Kosova”, tha se Trump nuk po i merr me të mirë Kosovën dhe Serbinë.Çollaku tha se ky fokusim i Trump në këtë moment e gjenë Kosovën të papërgatitur dhe të paralizuar në funksionimin demokratik.

“Padyshim që duket se është i interesuar për t’i dhënë Kosovës dhe Serbisë, Evropës dhe botës, një marrëveshje historike ndërmjet Kosovës dhe Serbisë që do ta çimentonte paqen afatgjate ndërmjet dy shteteve sepse kjo është rruga e vetme për ta forcuar stabilitetin në Ballkanin Perëndimor dhe në Evropë dhe për t’i hapur prespektivë të sigurt Kosovës për NATO dhe Bashkim Evropian”, tha Çollaku.Ai ndër tjerash foli edhe për komentin e kryeministrit në detyrë, Albin Kurti, lidhur me deklaratën e Trump.

Sipas tij, nëse komenti i Kurtit përkthehet, në Shtëpinë e Bardhë do të ketë zhgënjim dhe frustrim për gjendjen ku ka rënë Kosova.