Rrahen mes vete nxënësit e shkollës fillore “Trepça” të Istogut, intervenon policia

Disa nxënës të shkollës së mesme të Ulët “Trepça” të Banjës së Pejës së Istogut janë përleshur mes vete fizikisht sot.

Policia ka intervenuar në vendin e ngjarjes, me ç’rast të dyshuarin dhe viktimën i kanë shoqëruar në stacion policor.

Kështu ka bërë të ditur Fadil Gashi, zëdhënës i policisë për rajonin e Pejës.

Rasti është përcjellë me shënim zyrtar, për shkak se të miturit janë nën moshën 14-vjeç dhe nuk kanë përgjegjësi penale.

“Sot rreth orës 11:40 Policia është njoftu për një rrahje në oborrin e shkollës fillore ‘Trepça’ në Banjë të Pejës. Njësitë policore menjëherë kanë dalë në vendin e ngjarjes dhe kanë shoqëruar të dyshuarin dhe viktimën në stacion policor. Janë intervistuar në prezencën e prindërve, zyrtarit të Qendrës për Punë Sociale dhe avokatit. Me urdhër të prokurorit, rasti është përcjellë në Prokurorinë Themelore me shënim zyrtar, për shkak se të miturit janë nën moshën 14-vjeç dhe nuk kanë përgjegjësi penale”, tha Gashi.