Kishte ndryshuar emrin dhe mbiemrin, si u vra 41-vjeçari në Vlorë

Një 41-vjeçar ka mbetur i vrarë në një atentat mbrëmjen e kësaj të shtune në Vlorë. Ai është Leartiad Lekaj.

I vrari rezulton se ka ndryshuar emrin edhe mbiemrin dhe nga të dhënat paraprake thuhet se ka pasur një konflikt të mëparshëm.

Paraprakisht dyshohet se 41-vjeçari është qëlluar nga persona të cilët lëviznin me një makinë Audi me targa italiane. Ngjarja e rëndë ndodhi në afërsi të Kishës Ortodokse, në rrethana momentalisht të panjohura.