Ilir Ferati zgjidhet kryetar i LDK-së në Istog

Kryetari i Lidhjes Demokratike të Kosovës (LDK), përmes një postimi në Facebook, ka treguar se Ilir Ferati është zgjedhur kryetar i degës së LDK-së në Istog.

Abdixhiku ka thënë se pjesëmarrja në këto zgjedhje ka qenë 1652 votues.

LDK-ja e Lumir Abdixhikut. qeverisë me Komunën Istogut.

”50% e delegatëve të zgjedhur janë gra. Edhe një degë tjetër që arrinë barazinë. Shembull e model ky ekip i Ilirit. Standardi i ri i vënë në LDK këtë herë është nivel i ri i politikëbërjes në vend. Por mbi të gjitha, pjesëmarrja masive e anëtarësisë si manifestim i demokracisë, është motivim për të gjithë. Zgjimi i anëtarësisë na vjen si reflektim mbi domosdoshmërinë e veprimit tonë”.

”20,406 është numri i pjesëmarrësve në zgjedhjet e zhvilluara në 14 degë deri më tani. Dhe jemi tek në gjysmën e procesit zgjedhor në parti. Mobilizim i jashtëzakonshëm. Demokraci në plot kuptimin e fjalës – me anëtarë të regjistruar, aktiv e të shpërndarë në çdo anë.  Me sot, me degën në Istog, mbyllëm dhe ciklin e parë të zgjedhjeve të brendshme. Me zgjedhjet e djeshme të Besnik Osmanit në Fushë Kosovë e doktor Bexhet Xheladinit në Dragash, LDK ka përfunduar proceset zgjedhore në gjysmën e degëve tashmë”, ka vazhduar kryetari i LDK-së.

”Vazhdojmë në gusht. Më të fortë, më të bashkuar, më të gatshëm. LDK përgjithmonë”, ka thënë ai.