Lazio ia shkakton humbjen e parë Interit në sezonin e ri

Lazio ka shënuar fitore 2-1 kundër Interit. Skuadra nga kryeqyteti i Italisë arriti që t’ia shkaktojë humbjen e parë këtë sezon Interit, teksa nga tri ndeshje ka dy fitore dhe një barazim. Filipe Anderson (40’),  Luis Alberto (75’) dhe Pedro (86’) shënuan për Lazion kurse për Interin golin e vetëm e shënoi Lautaro Martinez (51’)

Lazio ka arritur ta fitojë kryendeshjën e javës së tretë në Serie A kundër Interit me rezultat 2-1.

Blutë e Romës e filluan shumë më mirë këtë takim duke ardhur të shansi për gol që në minutën e 16-të me Ciro Immobile, por që goditja e tij përfundoi shumë afër shtyplës së djathtë të portës së Interit.

I njëjti lojtar pati edhe rastin e dytë në ndeshje.

Kësaj radhe ai goditi brenda portës por ishte Samir Handanovic që bëri një pritje të mirë duke ia mohuar golin italianit në minutën e 37-të.

Por, nuk do të mungonte shumë dhe Lazio do ta zhbllokonte këtë sfidë.

Sergej Milinkovic-Savic bëri një super pasim për Felipe Anderson i cili shënoi gol me kokë për ta mposhtur portierin e Interit në minutën e 40 për golin e parë në këtë ndeshje.

Ciro Immobile (47’) sulmoi përsëri për Lazion pasi mori një top në zonë por topi u bllokua dhe u devijua në goditje nga këndi.

Lautaro Martinez do të barazonte herët rezultatin. Në minutën e 51-të ai shënoi gol pas një tollovie që u krijua në zonë.

Inter ishte afër që ta përmbyste rezultatin në minutën e 65-të por goditja me kokë e MIlan Skriniar u prit nga portieri i Lazios.

 E kur pritej që Interi të kalonte në epërsi, ndodhi e kundërta.

Ishte Lazio që shënoi golin e dytë.

Kësaj radhe një bombë e Luis Albertos në minutën e 75-të ishte e pamundur që të pritet nga Handanovic dhe skuadra laziale tashmë kishte kaluar në epërsi për 2-1.

Lazio vazhdonte të ishte më e mirë në fushë dhe erdhi edhe të goli i tretë.

Pedro mori një top të mirë në zonë, bëri një goditje të fortë e cila përfundoi në gol në anën e djathtë të portës së Handanovic, ku Lazio e shënoi edhe golin e tretë në minutën e 86-të.

Vendasit e patën një mundësi të kalojnë përsëri në epërsi në minutën e dytë shtesë të ndeshjes por Mateo Cancellieri (90+2’) edhe pse në mundësi shumë të mirë nuk arriti që të shënojë gol.

Me këtë fitore Lazio ngjitet në vendin e parë me 7 pikë, kurse Interi zbret në pozitën e katër me 6 pikë dhe njoftohet me humbjen e parë në këtë sezon.

Lazio në javën tjetër do të jetë mysafirë i Sampdorias kurse Interi e pret në Meaza të Milanos skuadrën e promovuar në ligë, Cremonese.