Berisha: Çështja e shamisë, kurth i kryeministrit Kurti – mos shkelni në të

Gazetari Ridvan Berisha ka kritikuar qasjen e kryeministrit Kurti dhe politikanëve të tjerë rreth çështjes së bartjes së shamisë në shkolla.

Ai ka thënë se kjo çështje po përdoret nga ta si kamuflazh derisa po ndërtojnë shtratin e viktimizimit e po ekspozojnë zhvillimin e doktrinës së islamit politik.

Sipas Berishës, çështja e shamisë është më e pakta që i prek të drejtat e njeriut.

“Grupe mirë të organizuara dhe edhe politikanë të ndryshëm gradualisht po e ndërtojnë shtratin e viktimizimit. Bilanci i tyre është ekspozimi i zhvillimit të doktrinës së islamit politik, bartjen e shamisë po e përdorin vetëm si siguresë, kamuflazh ashiqare. Leksion i keq për shtetin laik!”, ka shkruar ndër të tjera Berisha në Facebook.

Postimi i plotë i tij:

Kolegë gazetarë, drejtues mediesh, ju lutem mos shkelni në kurthet e kryeministrit Kurti duke e mediatizuar çështjen e shamisë! Kosova ka me bollëk brengash të tjera, i dijmë dhe i përjetojmë të gjithë ne. Më së paku çështja e bartjes së shamisë për fëmijët nëpër shkolla ka ta bëjë me të drejtat dhe liritë themelore të njeriut. Grupe mirë të organizuara dhe edhe politikanë të ndryshëm gradualisht po e ndërtojnë shtratin e viktimizimit. Bilanci i tyre është ekspozimi i zhvillimit të doktrinës së islamit politik, bartjen e shamisë po e përdorin vetëm si siguresë, kamuflazh ashiqare. Leksion i keq për shtetin laik!