Pamje nga vendi ku rrëqiti dheu në Veternik të Prishtinës – Një viktimë e një i lënduar

Një ngjarje tragjike ka ndodhur sot rreth orës 13:00 në Veternik të Prishtinës, ku pas rrëshqitjes së dheut në një vendpunishte, ka humbur jetën një person, raporton GazetaDemos.

Viktima i takon moshës 40-vjeçare, vdekjen e të cilit e kanë konstatuar mjekët emergjent.

GazetaDemos iu sjell pamje nga vendi i ngjarjes:

Siç njofton Policia, nga kjo shembje e dheut, përveç viktimës është zënë edhe një person, i cili fatmirësisht i ka shpëtuar tragjedisë.

I njëjti pasi është nxjerrë nga shembja është nisur për në QKUK ku po merr trajtimin e nevojshëm mjekësor në QKUK.

Lajmin për GazetënDemos e ka konfirmuar zëdhënësi i Policisë për rajonin e Prishtinë, Agron Borovci.

“Sot rreth orës 13:00, është pranuar informacioni se dy persona janë zënë nga shembja e dheut në një vendpunishte në rrugën “Gjilani” në lagjen Veterniku në Prishtinë. Nga informacionet e para është bërë e ditur se njëri nga ta është nxjerrë nga aty dhe po merr trajtimin e nevojshëm mjekësor në QKUK, ndërkaq fatkeqësisht, tjetri, mashkull, rreth 40 vjeç, është konstatuar  pa shenja jete, nga ana e mjekëve emergjent”, tha Borovci.

“Policia ka dalë në vendin e ngjarjes, dhe në koordinim me prokurorin e shtetit si dhe mekanizmat e tjerë të nevojshëm po vijon punën për sqarimin e rrethanave që karakterizojnë ngjarjen”, shtoi ai.