ZYRTARE: Lista Guxo garon me VV-në në Ferizaj, demantohet Balton Dërguti!

Lista “Guxo” do të garojë së bashku me Lëvizjen “Vetëvendosje” në zgjedhjet lokale. 

Kjo është konfirmuar nga kryetarja e kësaj partie, Donika Gërvalla.

Ndërsa, raportimet se në Ferizaj do të shkojë e ndarë, është hedhur poshtë nga deputeti i kësaj partie, Burim Karameta

Në një prononcim për “Indeksonline”, ai ka hedhur poshtë zërat se “Guxo” do të jetë e ndarë.

“Munden me i qit edhe 450 kandidatë për asamble, por vetëm Listë “Guxo”, fryme e kauze e standardit të referendumit politik nuk mund të jetë”, është shprehur ai, duke demantuar Balton Dërgutin, që po thirret në emër të partisë.

Sipas Karametës, Lista Guxo në Ferizaj funksionon përmes  2 deputetëve të saj, nga ai dhe deputeti Ekrem Mustafa.

“…me rreth 8000 përkrahësit e saj me logo e Zyrën e saj aty ku fillimisht kanë nisur aktivitetin”.

Ndryshe, Balton Derguti, ish-Kordinator i Listës Guxo ka paralajmëruar se së shpejti ta publikojë listën me 45 kandidatë për të garuar për asamble komunale.