Zogaj fajëson qeverinë për rastin e foshnjës së pajetë që u fut në lavatriçe: Kastë e paaftë demagogësh

Një rast i rëndë raportohet të ketë ndodhur në Spitalin e Pejës ku një foshnje e pajetë është vënë në lavatriçe. Sipas raportimeve, trupi i foshnjës është nxjerr copa-copa, teksa thuhet që stafi i spitalit ka insistuar që rasti të mbetet i fshehtë.

Për këtë ngjarje ka reaguar analisti Petrit Zogaj, i cili në një status në llogarinë e tij në Facebook ka fajësuar qeverinë e Kosovës.

Meqensëse Kosova enda nuk ka një ministër të Shëndetësisë, Zogaj ka pyetur me ironi, se “ a thu çfarë deklaron ministri i shëndetësisë tash”.

“Kjo kastë demagogësh mendojnë që mbahen në pushtet vetëm duke u marrë me tema të mëdha gjeopolitike, nderkohë rastet e krimit sikur kjo në Pejë duhet me i fajësu pushtetet paraprake. Kaq e paaftë është kjo qeveri, saqë nuk ka as kujt i kërkon përgjegjësi. Nuk mundesh me thënë që ministri i Shëndetesisë duhet me dhëne dorëheqje pas këtij rastit në Pejë”, ka shkruar Zogaj.