Zjarrfikësit e Kosovës që mbrëmë shpëtuan Kosovën nga kriza energjetike, dërguan ujë në KEK deri në mëngjes

Kosova mbrëmë mund të mbeste pa rrymë. Kjo pas shpërthimit të kanalit të Ibër-Lepencit uji i të cilit ftohë termoelektranat e KEK-ut.

Por për të evituar një krizë të tillë u mobilizuan zjarrëfikësit në vend, heronj të mbrëmjes.

30 kamionë të zjarrfikësve nga gjithë Kosova dërguan ujë në KEK deri në mëngjes për të ftohur turbinat pasi uji që rrjedh nga kanali “Iber Lepenci” u ndalua pas shpërthimit në Varagë të Zubin Potokut.