Zjarret në vend, Ministri Mehaj jep detaje për gjendjen nëpër komuna

Minsitri i Mbrojtjes, Armend Mehaj, është deklaruar pas mesnatës lidhur me gjendjen në komunat e përfshira nga zjarret në Kosovë.

Sipas Mehajt, institucionet relevante kanë arritur që të vënë nën kontroll pothuajse të gjitha vatrat e zjarrin në gjithë territorin e vendit.

Tutje, Mehaj ka thënë se njësitet e FSK’së pandërprerë po vëzhgojnë terrenin, me qëllim të reagimit në kohë për shpëtimin e jetës së njerëzve dhe pasurisë së qytetarëve.

“Njësitet e FSK-së, edhe në këto çaste, pandëprerë vëzhgojnë terrenit si dhe vlerësojnë situatën në vendin tonë, me qëllim të reagimit në kohë për shpëtimin e jetërave të njerëzve, pasurisë së qytetarëve dhe minimizimin e pasojave nga shpërthimi i zjarreve”, ka shkruar Mehaj.