Zjarr në Dukat të Vlorës, rrezikohet Parku Kombëtar i Llogarasë – pritet ndërhyrja nga ajri

Një vatër zjarri është aktivizuar në orët e para të mëngjesit të sotëm në zonën e Sotiranit, në fshatin Dukat të Vlorës.

Sipas raportimeve nga mediat në Tiranë, flakët janë përhapur me shpejtësi për shkak të erërave të forta dhe aktualisht rrezikojnë seriozisht Parkun Kombëtar të Llogarasë – një nga pasuritë më të mëdha natyrore të vendit.

Përpjekjet për shuarjen e zjarrit janë ndërprerë për sot dhe pritet të vijojnë nesër. Ndërhyrja është kërkuar të bëhet nga ajri, ndërsa është paralajmëruar edhe përfshirja e trupave të armatosura për të ndalur përparimin e flakëve.