Zjarr i madh në një qendër tregtare në Shqipëri, vjen reagimi nga Balla

Situata kaotike në godinën e qendrës tregtare në Lushnjë vijon ende, ndërsa tymi ka përfshirë nga të gjitha anët ndërtesën.

Lidhur me këtë ka ardhur reagimi nga Ministri i Punëve të Brendshme të Shqipërisë, Taulant Balla.

Ai përmes një postimi në rrjetin social ka thënë se situata është e rrezikshme.

Reagimi i plotë:

Një zjarr i madh në Qendrën Tregtare Metropol në Lushnjë ka krijuar një situatë tepër të vështirë rreziku, ndërsa ndërtesa ka dhe mjedise banimi në katet e sipërme. Forcat zjarrfikëse dhe policia po luftojnë për të vendosur nën kontroll situatën e rëndë.