Zhvillimet te ProCredit Banka në Gjakovë, deklarohet Policia: S’ka thyerje, një person u gjet pa shenja jete – po hetohet rasti

Zëdhënësi i Policisë për rajonin e Gjakovës, Sheremet Elezaj, ka dhënë detaje lidhur me rastin e ndodhur mbrëmjen e së sotme në një bankë në rrugën “Nëna Terezë” në Gjakovë.

“Rreth orës 21:00 kemi pranuar një informatë për një person (mashkull i moshës madhore), të shtrirë pa shenja jete në një bankë në rrugën ‘Nëna Terezë’ në Gjakovë. Vdekja e tij është konstatuar në Spitalin e Përgjithshëm në Gjakovë. Në vendin e ngjarjes kanë dalë të gjitha njësitë përkatëse policore dhe, në konsultim me prokurorin e shtetit, është iniciuar rasti ‘Hetim i vdekjes’. Trupi i pajetë i viktimës është dërguar për ekzaminim mjeko-ligjor,” ka deklaruar Elezaj për Demos.

Policia ka konfirmuar se në vendin e ngjarjes nuk janë evidentuar shenja të ndonjë thyerjeje apo ndonjë veprimi të dhunshëm. Hetimet po vazhdojnë për të sqaruar rrethanat e plota të rastit.