Zemaj për anulimin e çmimeve të produkteve medicinale: Ju doli në shesh përfitimi personal

Ish-ministri i Shëndetësisë dhe deputeti i LDK’së, Armend Zemaj tha se Qeveria e Kosovës sot anuloi listën e çmimeve të produkteve medicinale.

Zemaj përmes një shkrimi në Facebook tha se lista e çmimeve të produkteve medicinale është miratuar para tre javësh ndërsa thotë se u anulua sot.

“QEVERIA KURTI SOT ANULOI LISTËN E ÇMIMEVE TË PRODUKTEVE MEDICINALE.P ara tre jave është miratuar lista e çmimeve të produkteve medicinale. Sot, u anulua! Çfarë dobësie! Çfarë loje e ndytë!

Interesin e pacientit të varfër, kjo Qeveri e ka shkelur me dy këmbë, në vazhdimësi po abuzon me të. E kjo veç për shkak të akomodimit të interesave personale financiare dhe interesave të mafisë farmaceutike’.

Tutje, Zemaj tha se kjo erdhi pasi “ju doli në sheh përfitimi personal”.

“Kur ju doli në shesh përfitimi personal, e anulojnë. Kaq dinë kaq mund të bëjnë ky pushtet!

Ja disa shembuj që shpërfaqin tendencën për abuzim me çmime”.