Zemaj: Ka presion ndaj deputetëve, sidomos atyre të grupeve minoritare

Deputeti i LDK-së, Armend Zemaj, ka deklaruar se ekziston presion ndaj deputetëve, veçanërisht ndaj atyre që përfaqësojnë grupet minoritare. Megjithatë, ai ka mohuar që një presion i tillë të ushtrohet ndaj Lidhjes Demokratike të Kosovës.

“Nuk ka vonesë jashtë afatit kushtetues, por siç po shihet, përballja me interesat personale të Vetëvendosjes po e bën të vështirë arritjen e një zgjidhjeje. E patë se si u thirr kjo seancë. Për të dalë nga ky ngërç, duhet të kemi edhe Kuvend, edhe Qeveri. Kemi dëgjuar për presione ndaj deputetëve, sidomos ndaj grupeve minoritare. Por jo, nuk ka presion ndaj LDK-së.”