Zemaj: Është e tepërt, le të hapin rrugë – qytetarët t’ia përmendin Kurtit aferat korruptive

Deputeti nga radhët e LDK-së, Armend Zemaj para seancës konstituive të Kuvendit të Kosovës, tha se nuk kanë parë ndonjë indikacion nga LVV për ndonjë marrëveshje.

Zemaj iu përgjigj edhe kryeministrit në detyrë, Albin Kurtit, kur ky i fundi ua përmendi deputetëve pagat.

“Nuk kemi ndonjë indikacion që LVV ka bërë ndonjë marrëveshje, si parti e parë. Përndryshe, çka po ndodh me Kuvendin është e tepërt. Ata ose duhet të hapin rrugë ose të mos vazhdojnë me ngërçin. Qyetarët e kanë obligim me ia përmend varfërinë e shtuar, aferat korruptive besa edhe elementet të bashkëpunimit me krimin e organizum”, tha Zemaj.

Ndryshe, deputetët e Kuvendit të Kosovës do të mblidhen sot në tentativën e 28-të, në përpjekjeve për konstituimin e Kuvendit.