Presidenti i Ukrainës Zelensky ka folur sërish në telefon me Boris Johnson.
Një zëdhënëse e Downing Street tha se kryeministri “i bëri homazhe heroizmit dhe trimërisë së pabesueshme të Presidentit Zelensky dhe popullit ukrainas”.
Ajo shtoi: “Udhëheqësit ranë dakord që presidenti Putin po përballet me një rezistencë më të madhe ukrainase nga ajo që ka llogaritur”.
Dyshja u tha gjithashtu se “kanë rënë dakord për nevojën që komuniteti ndërkombëtar të izolojë Rusinë plotësisht diplomatikisht dhe financiarisht”.
Ata “përshëndetën gatishmërinë e shtuar për të ndërmarrë veprime për përjashtimin e Rusisë nga Swift”.
Swift është një sistem pagesash ndërkombëtare nga i cili disa vende – përfshirë Britaninë e Madhe – duan të ngrijnë Rusinë. Disa vende evropiane nuk kanë qenë të gatshme të pajtohen me këtë, por Gjermania – një pengesë kryesore – e zbuti ndjeshëm pozicionin e saj më herët sot.