Y.Hoxha për takimin e Kurtit me Krasniqin: Ky është sinjali se ky takim ishte i planifikuar

Pas takimit të kryeministrit Albin Kurti dhe kryetarit të Partisë Demokratike të Kosovës, analisti Ylli Hoxha në “Debat Plus” ka thënë se ky takim dukej se ishte i paradakorduar.

“Qeveritë krijohen nëpër zyra po prishen nëpër kafe, prej ZanziBarit kalojmë në Kuvendin e Gardenit, e ky ishte njëfarë sinjali që ishte një takim i planifikuar dhe i paradakorduar që Vetëvendosja dhe PDK-ja kanë gjetur ujdi për shpërndarjen e Kuvendit,” tha Hoxha.

Sipas Hoxhës edhe Memli e njejtë dhe Z.Kurti ishin për shpërndarjen e Kuvendit.

“Ky takim nuk do duhej të ndodhte sikur mos të kishte një lloj paramarrëveshje për atë se çka mund me u dakordu, t’iu kujtoj që Memli ka refuzuar me 29 korrik 2022 të takohet me kryeministrin, me 18 dhjetor të 2013 dhe me 22 qershor 2023 dhe 18 dhjetor 2023, ka thënë më thirrni vetëm për zgjedhje të jashtëzakonshme jo për gjëra të tjera.

Hoxha u shpreh se Krasniqi ka një moskonsistencë të veprimit e që sipas tij nëse Lumir Abdixhiku e Ramush Haradinaj refuzojnë, e Memli e pranon atëherë nëse do të kishte konsistencë do e mohonte edhe ai.

“Për mu është etablu një bashkëpunim i ri PDK-VV i cili do të korr suksesin e vet për mocionin për shpërndarjen e kuvendit, por ndoshta është edhe një paralajmërim për bashkëpunim të ri në qeveri,” tha Hoxha.