Xuxi i ashpër me Xhenetën: E pamoralshme, goja jote e pistë ka me të qitë jashtë

Atmosfera gjatë darkës së të nominuarve ka qenë më e tensionuar se kurrë, pasi Xuxi dhe Xheneta u përplasën ashpër me njëri-tjetrin.

Shkëmbimi i fjalëve mes tyre ka kaluar përtej diskutimeve normale, duke përfunduar me akuza dhe fyerje të rënda.

Xheneta e akuzoi Xuxin se i kishte thënë një koment personal dhe të papërshtatshëm, duke pretenduar që ai kishte përmendur moshën e saj dhe faktin se duhej të kishte tashmë fëmijë në shkollë. Megjithatë, Xuxi i mohoi kategorikisht këto akuza, duke i quajtur ato gënjeshtra.

“Je ka ja fut kot, nuk du me diskutu me ty se je ka rren,” tha Xuxi, duke e akuzuar Xhenetën për shpifje.

Por përplasja nuk përfundoi këtu. Xuxi shkoi edhe më tej duke e quajtur Xhenetën të “pamoralshme” dhe duke e kritikuar për gjuhën dhe sjelljen e saj. “Ty goja nesër ka me të qitë jashtë, goja jote e pistë dhe je e pamoralshme”, vazhdoi ai.

Ndërkohë, mbetet për t’u parë nëse kjo përplasje do të ketë ndikim në ecurinë e tyre në garë dhe si do të reagojnë shikuesit ndaj këtyre zhvillimeve.