Xhuli Nura ishte e pranishme në O2 Arena të Londrës si përkrahëse e Joshuas

Anthony Joshua ka arritur të mposhtë Jermaine Franklinin në një duel të zhvilluar në O2 Arena në Londër.

Boksieri britanik fitoi ndaj amerikanit pas 12 raundesh me vendim unanim, ku mori votat 118-111, 117-111 dhe 117-111.

Këtë përballje nga afër e ka parë edhe ish-konkurrentja e Big Brother VIP Kosova, Xhuli Nura.

Ajo ndoqi nga afër meçin e madh të boksit, teksa ka shpërndarë disa imazhe e video në rrjete sociale.

Duket se modelja është një fanse e Joshuas, pasi edhe në këtë meç ishte në krah të tij.
Bukuroshja e njohur pak ditë më parë udhëtoi për në Londër për shkak të angazhimeve që ka atje.

Ajo ishte në mesin e pesë finalistëve në BBVK dhe bëri bujë të madhe me qëndrimin brenda shtëpisë.